AMEA-nın Genetik Ehtiyatlar İnstitutunda təhsil alan magistrantların 2020/2021-ci tədris ili üzrə qış imtahan sessiyasına başlanılıb.
“Genetika”, “İnsan genetikası”, “Bitkilərin seleksiyası” və “Bitkilərin mühafizəsi” ixtisasları üzrə II kursda təhsil alan 5 magistrantın , “Bitki biotexnologiyası və molekulyar seleksiya” və “Elmi tədqiqatın metodologiyası” fənnləri üzrə imtahanları keçirilib.
İmtahanlarda sözügedən müəssisədə yaradılmış imtahan komissiyasının üzvləri, fənn müəllimləri, eləcə də AMEA-nın vitse prezidenti, Biologiya və Tibb Elmləri Bölməsinin sədri, akademik İradə Hüseynova, AMEA-nın Elm və Təhsil İdarəsinin müdiri, i.ü.f.d. Fail Kazımov və Magistratura şöbəsinin müdirinin müavini Ramin Həsənov iştirak edib.
Onlayn formatda təşkil olunan qış imtahan sessiyası fevral ayının 2-dək davam edəcək.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.