Yeni konyuqə edilmiş və izolə olunmuş funksionaləvəzli viniltsiklopropan monomerlərinin sintezi, onların əsasında funksional polimerlərin əmələgəlmə və çevrilmə proseslərinin kompleks tədqiqi; “quruluş-xassə” asılılığının əsaslı surətdə öyrənilməsi; funksionaləvəzli polipentenamerlərin əmələgəlmə konsepsiyasının yaradılması; alınan polimerlər əsasında kompozisiya materiallarının hazırlanması; viniltsiklopropanların birləşmə, telomerləşmə və polimerləşmə reaksiyalarının mexanizmlərinin tədqiqi; alınmış adduktların, telomerlərin, homo- və sopolimerlərin iştirakı ilə hazırlanmış kompozisiya materiallarının quruluş və xassələrinin öyrənilməsi; karbo- və heterozəncirli polimerlərin sintezi, onların əsasında yüksək həssaslığa malik foto- və elektronrezistlərin hazırlanması; poliolefinlərin və doymamış elastomerlərin funksionallaşdırılması proseslərinin tədqiqi və müxtəlif təyinatlı kompozisiya materiallarının hazırlanması.
Əsas elmi nəticələri
Funksionaləvəzli viniltsiklopropanların polimerləşmə və birgəpolimerləşmə reaksiyaları tədqiq edilmiş və onların ikimərhələli izomerləşmə ilə gedən mexanizmi təklif olunmuşdur. Karbo- və heterozəncirli polimerlərin, o cümlədən foto- və elektron rezistlərin hazırlanması üçün şüa və elektron selinə həssas polimerlərin sintezi və modifikasiyası üsulları işlənib hazırlanmış; sənayedə istehsal olunan poliolefinlərin və doymamış elastomerlərin funksionallaşdırılması həyata keçirilmiş; poliolefin və polialkadiensulfonlar, yan zəncirində tsiklopropan qrupları saxlayan rezistlər kimi yararlı polimerlər, kompozisiya materialları üçün əlaqələndirici reaksiyayaqabil doymamış epoksioliqomerlər işlənib hazırlanmışdır.
Laboratoriya kollektivi öz fəaliyyəti dövründə 400-dən artıq elmi əsər nəşr etdirmiş, 20-dən artıq elmlər namizədi və elmlər doktorları hazırlamışdır.